هل أنت عبد العزيز ..هل انت مستشعر انك عبد المالك العظيم مالك الملك خل انت حاسس أنك عبد العزيز هل مستشعر أن الامة ديه ربها اسمه العزيز ..قادر أنه ينصرخا لو لجات وتذللت واشتغلت وبذلت جهدها ..هل انت لو واقع تحت ذل متاكد أن أنت عبد العزيز ..العزيز يا اخوانا أنا عامل اقول مش عارف وصلت لك الفكرة ولا لسه مش حاسس بيها ((وَلِلَّهِ جُنُودُ السَّمَاوَاتِ وَالْأَرْضِ وَكَانَ اللَّهُ عَزِيزًا حَكِيمًا))
يرسل ربنا ريح ((يَا أَيُّهَا الَّذِينَ آمَنُوا اذْكُرُوا نِعْمَةَ اللَّهِ عَلَيْكُمْ إِذْ جَاءَتْكُمْ جُنُودٌ فَأَرْسَلْنَا عَلَيْهِمْ رِيحًا وَجُنُودًا لَمْ تَرَوْهَا وَكَانَ اللَّهُ بِمَا تَعْمَلُونَ بَصِيرًا (9)) .. ريح وايه ؟ برد شديد بيقولك الريح انتلقت كانت تاخذ الحجارة في الصحراء وتطير بها فتلقيها على خيام المشركين ..تجئ على القدور ..مش أنا قلت لكم من شوية كأن الارض حد سياقها ..مش أنا قولت لكم أن العزيز سبحانه وتعالي يحرك الارض وحرك الطيور لغاية ما وداها لرؤسها ..بصوا هتعمل ايه الريح ؟ ننحرك الريح تقوم رايحة على القدور اللي قريش حطاه فيها الاكل بتعاتها تقوم قالبة القدور وبعدين تقوم رايحة الريح ..هناك من يسوق الريح ..يسوقها العزيز سبحانه وتعالي ..(( وَأَرْسَلْنَا الرِّيَاحَ لَوَاقِحَ)) سبحانه وتعالي يقول للشيء كن فيكون ..واللي يقول للشيء كن فيكون يقول له زل فيزول ..صح العزيز طالما قاله كن فيكون هو الوحيد اللي يقوله زل فيزول ..يا ريح كوني نسمات هواء جميلة ..هاه كن فيكون ..يا ريح اتحولي إلي ريح شديدة تدخل على الاوتاد تقتلع الوتد بتاع الخيمة ..هو ربنا لم يهلكهم على فكرة ..مهو عاد اهلكوا بالريح ..لكن الريح مامورة بامر تاني بتنفذ بتسمع كلام العزيز بتعمل ايه الريح ..اقتعلي خياهم واقلبي قدورهم علشان يخافوا ويرجعوا ..طب ما نموتهم ..الله تبارك وتعالي يريدهم أن يسلموا في النهاية ..العزيز سبحانه وتعالي من اسمائه ايضا الرحيم .. عرفتوا ليه العزيز ساعات بتجئ معاها الرحيم ..والعزيز سبحنه وتعالي دايما ليه بتجي معاها الحكيم لان العزيز سبحانه وتعالي لا يريد أن يهلكوهم لان من حكمته أن هؤلاء هينصروا الاسلام في يوم من الايام ..سبحان العزيز الحكيم
سبحان العزيز الحكيم سبحان العزيز الرحيم ..عرفت ليه الحكيم بتجي مع العزيز وعرفت ليه الرحيم بتجئ مع العزيز ؟ فالريح مأمورة بتسمع الكلام بالملي مابتعملش حاجة غلط ..لو واحد كان قيل لها اقتليه ..لقتلته لانها تتطيع العزيز
هل أنت عبد العزيز ؟ حاسس أنك عبده ..حاسس أنك ملكه .. قاعد دولوقتي ملئ قلبك وملئ صدرك طمانينة أنا عبد العزيز ..مش خايف ..أنا عبد العزيز مش خايف أنا الامة هتنتصر اكيد لان ربها اسمه العزيز حاسين باللي أنا بقوله ده يا اخواننا شفت بدر حصل ايه ..شفت الخندق حصل ايه .. قبل ما اسيب غزوة الخندق هاقولك ايه ..علشان اوريك أن كل عزوة لازم يحصل فيها اسم العزيز ..
فاكر بدر ((مَا النَّصْرُ إِلَّا مِنْ عِنْدِ اللَّهِ إِنَّ اللَّهَ عَزِيزٌ حَكِيمٌ)) (10: الانفال)
بص بقه هنا في الخندق ((وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا وَكَفَى اللَّهُ الْمُؤْمِنِينَ الْقِتَالَ وَكَانَ اللَّهُ قَوِيًّا عَزِيزًا)) (25 : الأحزاب)
طب تعال اوريك مثل ..يوم الغار ..يوم غار ثور فاكرين في خطي الحبيب لما طلعنا غار ثور .. يوم الغار غزهم بإيه؟ ((إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا فَأَنْزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَى وَكَلِمَةُ اللَّهِ هِيَ الْعُلْيَا وَاللَّهُ عَزِيزٌ حَكِيمٌ)) (40 : التوبه)
على فكرة كل حدث مهم في تاريخ النبي لازم التعقيب بتاع الايات يجئ فيه اسم الله العزيز ..قاعدة احفظ بقه الحكاية ديه وتابعها ..بدر والخندق ..تعال نبص على يوم الغار ..يوم غار ثور يوم الهجرة من مكة إلي المدينة ((إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا فَأَنْزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَى وَكَلِمَةُ اللَّهِ هِيَ الْعُلْيَا وَاللَّهُ عَزِيزٌ حَكِيمٌ)) (40 : التوبه) شوف العزيز
طب في بدر نوم ومطر ديه الجنود بتاعت العزيز طب وفي الخندق ريح وبرد ..طب وهنا في الغار هيكون ايه ؟ حمامة وحاجة تانية ..مفيش واحد فيهم يقدر يؤطئ عينه لتحت ..
فاكرين الحديث " يا رسول لو نظر احدهم اسفل قدميه لرآنا " العزيز امسك العيون انها تبص لتحت الرمش مينزلش سبحان الله ..
اديك ملحوظة مهمة جدا ..العزيز سبحانه وتعالي يحب يعزك باهون الاسباب ..علشان تعرف انه عزيز اوي ..علشان تعرف انه عظيم جدا ..يقولك ده ده الموضوع ده حصل .ده حاجة بسيطة اوي اوي .. ازاي كده ..بسيطة جدا ..علشان تعرف أن العزيز ..القادر ..اللي بيمسك السموات والارض أن تزولا ..لا يعجزه شوية برد أو شوية هواء أو حمامتين أو عين ..جفن مينزلش لتحت عرفت العزيز ولا معرفتش
وبعدين معلش خليني اقولك حاجة هو احنا ليه عاملين نبص على الحروب وعلى المعارك ..على مستوى الكون والمخلوقات ..ما تجي ننزل شوية ننزل فين؟ ما تجي ننزل على مستواي أنا وانت ما تجي نبص ..فاكر كام مرة عززك ..فاكر يا جماعة ..فاكر لما كنت في بداية حياتك كنت بسيط ازاي وعلى قد حالك ..فاكر..عززك قد ايه .. فاكر فلان اللي داس عليك ربنا عمل فيه ايه؟ أنت ليه بتنسى ..يا شباب اسئلوا اهليكم ..اقعد مع ابوم النهاردة وقوله تعال يا بابا احكي لي عن العزيز في حياتك ..يا بابا أنا وانت عبد العزيز ..احكي لي يا امي ..احكي لي عن جدي ..احكوا لي تاريخ العيلة ازاي العزيز رفع العيلة ديه ..هتسمع والله العجب ..هتعرف العزيز ..
اعرف استاذ في الجامعة ..هذا الرجل كان نفسه يطلع يعمل دكتوراة ..اتداس عليه كذا مرة وللاسف طلعوا ناس تانية متستحقش وهو اللي كان مفروض يطلع يعمل الدكتوراه طلعوهم مكانه ولفت الايام وجات له الفرصة وطلع الدكتوراه ..بيحكي لي بيقولي ضائقت علي الدكتوارة اوي بعد ما قعدت اربع سنين وأنا عارف أن في ناس هتشمت في في البلد اللي أنا فيها وعارف أن أنا لو ما اختش الدكتوراة هيشمتوا فيه شماته شديدة ..بيقولي والله العظيم ساعتها سجدت ليلة للعزيز وقعدت ادعي اقول له يا رب ..فك علي ..مكنش عارف ياخد الدكتوراة عنده مشكلة في البحث بتاعه ..قعد يقوله يا رب ماتزلنيش لما ارجع ..لو رجعت كده هارجع موطئ راسي متزلنيش يا رب أنا حكيت الحكاية ديه قبل كده ..بيقسم بالله أن بعد شهر ..كل طلاسم الدكتوراة كانت اتحلت وأخد الدكتوراة ورجع بلده مرفوع الراس ..ده مثل بسيط ..
في معلومة لطيفة اوي في اسم اللع الغزيز يا جماعة لازم تخدوا بالكم منها ..اسم الله العزيز لازم تتعامل معاه وتأدي الزمن وقته ..يعني ايه؟ خلي بالك لو بصيت على لقطة معينة واحد ظالم فيها أو زلال بني ادام وقلت طب فين العزيز ..تبقى أنت مش فاهم ..اسم الله العزيز لازم تبص على الموضوع وهو واخد كل زمنه ..اسم الله العزيز يتجلي في النهاية مش في الوسط ولا في الاول مشكلة الناس أن هما بيخشوا في النص فيلاقى موقف واحد مذلول فيه ..وواحد زلال واحد فيه فيقول اين العزيز؟ بص للموقف لاخره ..متبصش وهما محوطين الخندق ..بص النهاية ايه؟ منتبصش وهما واقفين ادامهم في بدر بص النهاية ايه ؟ متبصش في الغار وهما جوه الغار بص العزيز في النهاية بيؤدي إلي ايه ..
أديك مثل .. سيدنا يوسف دخل قصر العزيز عبد مش كده؟ وخرج منه على السجن ..بص رجع ازاي ..رجع هو صاحب القصر ..سبحان الله رجع نفس القصر يا اخوانا بس رجع عزيز يـاه!! شايف العزيز !! أنا بس باديك امثلة من حياتنا الشخصية ..خلي بالك أن كان في جارية تعرفه لما كان في القصر زمان وتعرفه لما بقى سيد القصر وشافته مره في موكبه .-قصة لطيفة في الاثر- فنظرن إليه وقالت سبحان الذي جعل العبيد ملوكا بطاعته وجعل الملوك عبيدا بمعصيته. تقصد سيدنا يوسف كان عبد وبقى ملك سبحان الله .
بص علي سيدنا يوسف وهما اخواته بيرموه في البئر وبيقولوا اقتلوا يوسف أو اطرحوه ارضا وبص عليهم وهما راجعين له بعد سنين بعد ما ربنا عزه وهما بيقولوا له ((فَلَمَّا دَخَلُوا عَلَيْهِ قَالُوا يَا أَيُّهَا الْعَزِيزُ مَسَّنَا وَأَهْلَنَا الضُّرُّ وَجِئْنَا بِبِضَاعَةٍ مُزْجَاةٍ فَأَوْفِ لَنَا الْكَيْلَ وَتَصَدَّقْ عَلَيْنَا إِنَّ اللَّهَ يَجْزِي الْمُتَصَدِّقِينَ (88)) أنت متخيل العزيز ..يا اخوانا ..العزيز مبيضيعش عباده ..يا اخونا العزيز سبحانه وتعالي عظيم ..
اتفرج على فرعون ..
فرعون وهو بيقول ((أَلَيْسَ لِي مُلْكُ مِصْرَ وَهَذِهِ الْأَنْهَارُ تَجْرِي مِنْ تَحْتِي)) فجعلها الله تجري من فوقه ..مش هو غرق في الاخر ..بص العزيز سبحانه وتعالي وتحديه ..هو قال هذه الانهار تجرى من تحتي ..طب أنا هأخليها تجري من فوقك ..لا إله إلا الله..فمات غريقا
مش هو ده فرعون اللي كان بيقول ((أَنَا رَبُّكُمُ الْأَعْلَى)) لكن وهو بيغرق بيقول ايه ((آمَنْتُ أَنَّهُ لَا إِلَهَ إِلَّا الَّذِي آمَنَتْ بِهِ بَنُو إِسْرَائِيلَ وَأَنَا مِنَ الْمُسْلِمِينَ)) (90:يونس) يا اخونا العزيز ..
العزيز ..بص على الكون من حولك واعرف العزيز بيعمل ايه ..كانت تجرى الانهار من تحته فصارت تجري من فوقه ..يوسف دخل القصر عبد وخرج منه على السجن وعاد إليه عزيز نفس القصر..أنت متخيل ؟
أنا اعرف ام ابنها كان في وظيفة مرموقة ..وظيفة حكومية صحيح لكت مؤثرة ومرموقة وفي يوم من الايام كان مطلو منه يمضى على مستندات ويمضى على ورق الورق ده هيفسد الناس ويضيع ناس لكت أوامر جاية له وهذا الرجل كان بيحترم الام العجوز العاقلة المؤمنة بالعزيز ..أمة العزيز..راح لأمه وقالها يا امي أنا لو مامضيتش على الورق ده أكيد هاطلع معاش في اول وقت ممكن ومعنديش باب رزق تاني ..أنتي عارفة عيالي امضى ولا مامضيش ؟ الام ردت رد جميل أوي أوي قالت له يا ابني ..الله يمنعك أن تفعل ما يغضبه ..الله يمنعك منهم لكن هما مش هيمنعوك من الله ..اللي طلب منك يمضى الله يمنعك منه لانه عزيز لكن هو مش هيمنعك من الله لان الله هو العزيز..متمضيش يا ابني ..قالها هاطلع معاش قالت له يا ابني لن يضيعيك ..يقسم بالله .. أن هو فعلا مارضيش يمضى وفعلا اترفض وفعلا طلع معاش ودارت الايام ولدأ يدور على مورد رزق وتعب شوية واتبهدل الحقيقة شوية لكت ايه اللي حصل بعد كده؟ لو كان اشتغل في وظيفته الحكومية 100 سنة ماكنش هيعرف يعمل اللي عمله ..اشتغل فتح تجارة وربنا فتح عليه .,.فتح عليه اوي اوي اوي ..اعرفه الان يعني في حالة من الغنى ..حاجة تانية نقلة كبيرة جدا ودارت الايام وبقى رئيس اللي كان رئيسه زمان بعد ما طلع هو كمان معاش ..أتمنى يجئ يشتغل عنده يا سبحان الله ..يا اخوانا خلينا اسالك تاني بعد كل اللي أنا قولته لك ده ...هل انت عبد العزيز؟
أعرف يا جماعة ..أن كان في باخرة صنعت سنة 1912 كتب على الباخرة ديه كلمة عجيبة اوي كتب عليها "هذه الباخرة لا يستطيع القدر إغراقها" من كثر ما هي عظيمة لانها صنعت من طبقتين يعني الابواب بتاعتها ..اي خلل يصيب الابواب الخارجية اقفال الابواب الداخلية تمنع تسرب الماء إليها ..وضع في هذه الباخرة أجمل ما كان في العالم في هذا الوقت من اثاث ومن مسابح وحمامات سباحة ومطاعم وملاعب وغرف مش عارف ايه ..وركب في الباخرة أغنياء أوروبا ..هذه الباخرة الني كتب عليها لا يستطيع القدر إغراقها وطلعت الباخرة من بريطانيا رايحة بوسطتن وفي اول رحلة من رحلاتها ..ارتطمت بجبل ثلجي في عرض المحيط اتشطرت شطرين ..اتقسمت نصين وغرقت ..السفينة لاقوها من حوالي سنتين في اعماق المحيط .. يا سبحان الذي اغرقها من أول رحلة .. يا اخوانا العزيز
الرئيسية 
دخول 