طب تعال ننزل اكثر ..تعال ننزل للبشر ..احنا شوفنا الكون وبعدين شوفنا المخلوقات تجي ننزل للبشر ..تعال نشوف ازاي بيعزز عباده ..مش قلنا أن من معاني العزيز الذي يعزز ويقوي ويشد ازر ..أعزه الله اي قواه ..
تعالوا اضرب لكم امثلة من النبي (ص) أنا هاضرب لك 3 امثلة ..3 امثلة ازاي ربنا تبارك وتعالي عزز النبي صلى الله عليه وسلم وعزز الصحابة
يوم غزو بدر ..المسلمين 313 معاهم فرسين بس والباقى كله مشى على رجليه وكفار قريش الف منهم 200 فارس والباقى كلهم على الابل ..حاول تتخيل الجيشين لو داخلين مع بعض يحصل ايه
يقول الله تبارك وتعالي ((وَلِلَّهِ جُنُودُ السَّمَاوَاتِ وَالْأَرْضِ وَكَانَ اللَّهُ عَزِيزًا حَكِيمًا (7: الفتح))
يقول الله تبارك وتعالي ((وَلَقَدْ نَصَرَكُمُ اللَّهُ بِبَدْرٍ وَأَنْتُمْ أَذِلَّةٌ فَاتَّقُوا اللَّهَ لَعَلَّكُمْ تَشْكُرُونَ) (123 :آل عمران) شوف العزيز ..مش احنا بنقول لسه العزيز الذي يعزك بعد ذلك ..بص العزيز هيعمل معاهم ايه هيقويهم بايه ربنا ..هينصرهم بايه ايه الجنود اللي العزيز هيمدهم بيها ..جنود عجيبة اوي ..بص للجنود اللي جاية ديه ..وقف الجيشين 313 ودول الف ..فاكرين على خطي الحبيب تعالوا نحكي الحنة الصغيرة ديه ..ايه اللي هيحصل؟ ايه الجنود اللي ربنا هيرسلها ..اول جندي النوم ..اه العزيز هيرسل النوم ..النوم لمين؟؟ للصحابة ..ليه؟
يقول الله تبارك وتعالي ((إِذْ يُغَشِّيكُمُ النُّعَاسَ أَمَنَةً مِنْهُ )) مشدودين والاعصاب مشدودة ناموا ناموا واستريحوا تخيل ناس داخلة معركة والمعركة هتبدا بعد ساعات فيناموا! يتاموا فيستيقظوا منهتى النشاط والقوة ..ايه الجندي ده؟ واحد من الصحابة بيقول أن النبي كان موقفني في حراسة الجيش بيقول والله يسقط السيف من يدي 7 مرات ..ينام ..يقول فيسقط من يدي فاستيقظ فاسمع للصحابة غطيطا بيشخروا من النوم ..كله نايم ..كله نايم ومستمتع ومستغرق ..طب تعال نمسك اللي بعده هاه ..هيحصل ايه .. رؤية للنبي (ص) يقول الله تبارك وتعالي ((إِذْ يُرِيكَهُمُ اللَّهُ فِي مَنَامِكَ قَلِيلًا)) تحس أن بدر ديه بقيادة السماء ..بقيادة العزيز ..بدر بقيادة العزيز ..هو بس الصحابة عملوا اللي عليهم ..خلي بالك العزيز تعمل اللي عليك الأول عملوا اللي عليهم شوف العزيز ((إِذْ يُرِيكَهُمُ اللَّهُ فِي مَنَامِكَ قَلِيلًا)) ربنا خلي النبي يشوف قريش قليلين أوي ((وَلَوْ أَرَاكَهُمْ كَثِيرًا لَفَشِلْتُمْ وَلَتَنَازَعْتُمْ فِي الْأَمْرِ وَلَكِنَّ اللَّهَ سَلَّمَ ))
طب ..تعالوا نشوف جنود تانية ..هاه صحيوا من النوم ..مطر ينزل ..ليه؟؟ يقول الله تبارك وتعالي ((وَيُنَزِّلُ عَلَيْكُمْ مِنَ السَّمَاءِ مَاءً لِيُطَهِّرَكُمْ بِهِ)) يلا شوية نشاط ..ده واحد في بيته وكده صاحي وبياخد دش ومستعد علشان هينزل عنده شغل مهم ..بالضبط ده اللي حصل ناموا استريحوا شوفوا الرؤية هاه ..قليلين ..هنصحى مستبشرين ينزل المطر من السماء مين اللي بيعمل كده ..مين اللي حرك الشمس وحافظ على حركة الارض مع الشمس وغير سرعاتها ..اللي خلى الطيور تجي لسيدنا ابرهيم ((ادْعُهُنَّ يَأْتِينَكَ سَعْيًا)) هو اللي نزل المطر هو اللي يغشيكم الناس آمنه منه
ينزل المطر على النبي (ص) يلا اتوضا ..اللي عايز يغتسل يغتسل ..اللي عايز يغسل وشه يغسل وشه ..لا بس المطر نازل ومعاه حاجة تانية ..يقول الله تبارك وتعالي ((إِذْ أَنْتُمْ بِالْعُدْوَةِ الدُّنْيَا وَهُمْ بِالْعُدْوَةِ الْقُصْوَى )) أنتوا في حتة اسمها العدوة الدنيا وهما في حتة اسمها العدوة القصوى ..يعني تفرق في ايه احنا فين وهما فين؟ أصل المطر لما نزل نزل عند المسلمين خفيف فنزل خلى الارض تثبت فهما مش راكبين فلما يمشوا على الارض من عندهم الارض تجمد لان المطر نزل خفيف فالرملة والصحراء الارض بتعاتها تجمد ونزل نفس المطر عند الكفار مطر غزيز فالارض طينت فبقت حركة الجيش وحرمة الجنود ثقيلة ..مين اللي بيعمل كده ...
بدر بقيادة العزيز ..في كتاب على فكرة اسمه كده .. هي السحابة تنزل هنا خفيفة وتنزل هنا غزيرة طيب ايه تاني؟ هيحصل ايه تاني؟ نزول الملائكة ((إِذْ تَسْتَغِيثُونَ رَبَّكُمْ)) خلي بالك أصل العزيز علشان ينصرك لازم تروح له الأول ..تقوله يا عزيز ..لازم تتذلل للعزيز مش الاية بتقولك ((وَلَقَدْ نَصَرَكُمُ اللَّهُ بِبَدْرٍ وَأَنْتُمْ أَذِلَّةٌ)) هو النبي عمل ايه يوم غزوة بدر ..النبي يوم غزة بدر منتهى التذلل لله تبارك وتعالي رفع يديه إلي السماء يهتف بربه ..ده مش كلمتى ده رواية مسلم ..يقول "اللهم انجزني وعدك ..اللهم أن تهلك هذه العصابة فلن تعبد في الارض بعد اليوم ..يا رب يا رب" ثم رفع يديه إلي السماء حتى راينا بياض ابطيه حتى سقط رداؤه من على منكبيه فجاء ابو بكر يطبب على النبي ويرد إليه رداؤه ويقول "خفف عليك يا رسول الله مناشدتك لربك فان الله منجزك وعده" ..تخيل رايح للعزيز ازاي ..شفت النبي (ص) والنبي (ص) بيعمل كده فجأة استبشر وقال "الله أكبر ..هذا جبريل آخذ بعنان فرسه يقود الف من الملائكة ..الله شايف العزيز هيعمل ايه "
((إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُمْ بِأَلْفٍ مِنَ الْمَلَائِكَةِ مُرْدِفِينَ)) (9 :الانفال) ومش كده وبس والملائكة هتشارك مش بس تثبتكم وترفع روحكم المعنوية ونشارك في المعركة ((إِذْ يُوحِي رَبُّكَ إِلَى الْمَلَائِكَةِ أَنِّي مَعَكُمْ فَثَبِّتُوا الَّذِينَ آمَنُوا سَأُلْقِي فِي قُلُوبِ الَّذِينَ كَفَرُوا الرُّعْبَ فَاضْرِبُوا فَوْقَ الْأَعْنَاقِ وَاضْرِبُوا مِنْهُمْ كُلَّ بَنَانٍ)) (12: الانفال)
أحد الصحابة بيقول جاي اضرب راس كافر فلاقيتها طارت فعرفت أن الملائكة هي اللي طيرتها
يقول الله تبارك وتعالي ((وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى)) كل الحاجات ديه شوف كل الحاجات اللي ربنا عملها ..العزيز
شوف بقه تعقيب ربنا على الايات ديه في سورة الانفال ..على كل الحاجات اللي ربنا عملها ..علشان تعرف ازاي بتجي اسماء الله الحسنى تعقب على كل الحاجات ديه ..اسمع ربنا في الآخر بيقول ايه ((وَمَا جَعَلَهُ اللَّهُ إِلَّا بُشْرَى وَلِتَطْمَئِنَّ بِهِ قُلُوبُكُمْ وَمَا النَّصْرُ إِلَّا مِنْ عِنْدِ اللَّهِ إِنَّ اللَّهَ عَزِيزٌ حَكِيمٌ)) (10: الانفال) كل الجنود ديه المطر والنوم وكمية المطر هنا وهناك والرؤية اللي شافها النبي والملائكة اللي نزلت والملائكة اللي ضربت ..كل الكلام ده ايه ..شوفوا التعقيب بقه النهائي
((وَمَا جَعَلَهُ اللَّهُ إِلَّا بُشْرَى وَلِتَطْمَئِنَّ بِهِ قُلُوبُكُمْ وَمَا النَّصْرُ إِلَّا مِنْ عِنْدِ اللَّهِ إِنَّ اللَّهَ عَزِيزٌ حَكِيمٌ)) (10: الانفال) شفتوا يا جماعة كأن الموضوع كله ..كأن الموضوع كله ..كأن كل اللي حصل في بدر ده علشان تتعرفوا على العزيز
وكأن الاية نزلت في سورة الانفال تقولكم هذا هو العزيز الذي يحرك الشمس .. (( ذَلِكَ تَقْدِيرُ الْعَزِيزِ الْحكيم))
هذا هو العزيز الذي استجاب لطلب ابراهيم في الاية العظيمة بتعات الطير ((وَاعْلَمْ أَنَّ اللَّهَ عَزِيزٌ حَكِيمٌ))
هذا هو العزيز الذي نصر المؤمنين ببدر ((وَلِتَطْمَئِنَّ بِهِ قُلُوبُكُمْ وَمَا النَّصْرُ إِلَّا مِنْ عِنْدِ اللَّهِ إِنَّ اللَّهَ عَزِيزٌ حَكِيمٌ))
طيب شفت الجنود ((وَلِلَّهِ جُنُودُ السَّمَاوَاتِ وَالْأَرْضِ وَكَانَ اللَّهُ عَزِيزًا حَكِيمًا))
طب تعال اوريك مثل تاني ..جنود مختلفة تماما ..يوم غزوة الخندق ..عزوة الخندق ..المرة اللي فاتت كانت قريش الف المردة ديه قريش 10 الالاف محيطين بالمدينة من كل مكان ومش كده وبس ده بعد ما كان النبي كان عامل معاهدة مع اليهود أن حصونهم محدش يدخل منها ..خانوا العهد واتفقوا مع قريش يدخلولهم ويبقى المسلمين بيهجموا من الشمال ومن الجنوب من فوقهم ومن تحتهم ..عشرة الاف هيدخلوا والمسلمين مش مستعدين ..هما بس حافرين خندق فلو دخلوا من الحصون بتعات بني قريظة والخيانة حصلت هتبقى كارثة ..شوف القران بيعبر عن حالة المسلمين اللي وصل ليها ..الضعف اللي وصلوا ليه والصعوبة اللي هما فيها ..
يقول الله تبارك وتعالي ((إِذْ جَاءُوكُمْ مِنْ فَوْقِكُمْ وَمِنْ أَسْفَلَ مِنْكُمْ وَإِذْ زَاغَتِ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَ هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا)) (الاحزاب) محصلش زلال ..زلال نفسي ..تخيل ان النبي (ص) يقي يوم لا يكلم احدا من الهم ..نسمعه يقول "اللهم استر عوراتنا وآمن رواعتنا " شوف دايما اللجؤء للعزيز ازاي "اللهم استر عوراتنا وآمن رواعتنا " يرددها ويرددها وبدأ المنافقون يقولوا مش هو ده محمد اللي كان بيقولنا أن هنفتح كنوز كسرى وقيصر ..الوحد فينا يروح للحمام من الخوف ..(( وَإِذْ يَقُولُ الْمُنَافِقُونَ وَالَّذِينَ فِي قُلُوبِهِمْ مَرَضٌ مَا وَعَدَنَا اللَّهُ وَرَسُولُهُ إِلَّا غُرُورًا (12)) شايف صورة الاحزاب بتحكي الوضع صعب قد ايه ..تخيل بقه في وسط الكلام ده الصحابة كانوا بيقولك بيخافوا يبعدوا لاحسن حد يهاجمه فقاعدين في وسط بعضيهم وخلاص مسنين أمر الله تبارك وتعالي والنبي كل ليلة ..كل يوم يطلع على جيل سلع ويقعد يدعو ويدعو ويدعو "اللهم منزل الكتاب مجري السحاب سريع الحساب اهزم الاحزاب وزلازلهم وانصرنا عليهم " العزيز هيعمل ايه ؟ ايه الجنود المرة ديه ..الجنود المرة ديه مختلفين ..المرة اللي فاتت كانت نوم ومطر ورؤية وملائكة ..الجنود المرة ديه تانين ريح ..ريح ..سبحان العزيز ..يا جماعة فين الثقة بالعزيز ..يعني في وسط اللي أنا بقوله ده ..أنت اتحركت من جواك ولا لا العزيز ..هاه قادر العزيز ينصر الامة المسكينة ديه ولا أنت يائس ولا بتقول مفيش فايدة ..قادر العزيز يخلصك من الذل اللي واقع عليك ..لو في حياتك ذل ولا لا ما تروح للعزيز يا اخي ..
الرئيسية 
دخول 