هل انت عبد العزيز .. هل انت عبد العزيز؟؟
طيب ..احنا وقفنا دولوقتي يا جماعة على ايه ؟ اتفقنا أن العزيز له ثلاث معاني ..المعنى الأول لا مثيل ..المعنى الثاني الغالب الذي لا يغلب ...على فكرة أنت ممكن تكتب الحاجات وتبص عليها العزيز يا جماعة ده ربك ..مش هدف البرنامج تعرف ربك وبعدين تصلح بهذه الاسماء حياتك .تعرف ربك وتحبه فباسمك نحيا ..معقولة ابقى عارف أن كلمة كذا تعني كذا وكلمة كرة قدم عارف يعني ايه كرة قدم وقوانيتها وكلمة كذا تعني كذا ونجي عند العزيز مش عارف العزيز ازاي ؟؟
بس يا اخوانا ..ده هو اللي اوجدك ..اكتب وركز واحفظ المعنى يبقى العزيز له 10 معاني ..لا مثيل له ..ليس كمثله شيء والمعنى الثاني غالب لا يغلب ..والله غالب على امره، المعنى الثالث يعزز ويقوي من يطلب منه التعزيز ..طبعا فاضل معنى رابع ..ده مش هيتقال دولوقتي ..هيجي بعد شوية في الحلقة ..لكن اتقفنا على المعاني ديه ..يبقى ديه النفطة الثانية ..معنى اسم العزيز.
تعالوا نتنقل للنقطة الثالثة ..
طيب أنت قلت لنا المعاني الثلاثة دول ..طيب ما نتفرج على تطبيقات الثلاث معاني دول بامثلة في الحياة ..بامثلة في الكون ..تعالوا نتفرج ونعيش ونذكر امثلة في الكون ..أمثلة ازاي العزيز سبحانه وتعالي بيحقق الحاجات اللي احنا قولنها ,,مش احنا قولنا في 3 حاجات مش قلنا ليس كمثله شيء وقلنا غالب لا يغلب وقلنا بيعزز ويقوي تجيئوا نتفرج على الحياة ..تجيئوا نتفرج على الدنيا ازاي العزيز سبحانه وتعالي بيحقق الثلاث حاجات ديه ؟ ونشوف امثله وعلى قد ما ربنا يفتح علي ..واحنا متفقين يا جماعة أن في واجب عملي اساسي في الحلقات ديه ان الحلقات ديه عبارة عن طريق للتفكير ..أنا بساعدك في منهجية للتفكير ..بفتح لك افاق الاسم ونفتح الابواب ادام بعض لكن انت هتطلع حاجات احلي بكثير جدا عن العزيز عن اللي انا هاقولها ..أنا هاضرب لك شوية امثلة ..من القران والسنة والكون لكن وأنا بقول أنت عارف العزيز عمل معاك ايه.. أن حياتك الشخصية أقوي مثال في الدينا تتاثر بيه ..على قيمة كل اسم من الاسماء فارجوك سجل معاي الحاجات اللي انا بقولها وبعد ما تخلص الحلقة اقعد مع نفسك واقعد مع عائلتك وطلعوا العزيز في حياتنا ..العزيز في حياتي ..العزيز في حياة العيلة ديه ..
أول مثل في الكون ..هنبدأ من فوق اوي ..اوي ..نبدأ نتكلم عن العزيز في الكون ..وبعدين ننزل لحياة البشر ..يعني هابدأ الأول معاك في خلق الكون ..ازاي هو عزيز وبعد كده ننزل في المخلوقات وبعدين ننزل لحياتي أنا وانت ..
تعالوا نقول الأول خلق الكون ..كأول مثل من أمثلة العزيز سبحانه وتعالي ..من كمال عزته يا جماعة
طريقة تسيير الكون ..طريقة مسك الكون ..طريقة حفظ الكون ..المجرات الهائلة والاجرام السماوية والشمس والقمر والنجوم ..ازاي ممسوكه ..ازاي سبحانه وتعالي يحفظها ..يا جماعة الكون الهائل ده ..ايه اللي يخلي كوكب زي الارض متبصش نلاقيه جري ومفضلش في مكانه وتائه في الكون الفسيح .. اللي رافع السموات مبيخلهاش توقع على الارض .ايه اللي محافظ على المسافة بين الشمس والارض ..ايه اللي محافظ على المسافة بين النجوم وبعضها ..ايه النظام الدقيق ده ؟ ازاي محصلش تصدام يفني هذا الكون ..العزيز ..العزيز الذي لا يغلب ابدا ..العزيز الذي لا مثيل له ..العزيز بيعمل ايه ..العزيز سبحانه وتعالي جعل قانون اسمه قانون التجادب وقانون الطرد ..يعني ايه قانون التجاذب ؟؟ قانون التجاذب أن قانون الجاذبية بين كل الاجرام ..كل الاجرام بتتحرك وكل الكوامب بتتحرك في حركة دائبة وممسوكة بينها وبين بعضها ..عارف زي ما تكون حبال مربطة الكون ده كله ببعضه والله سبحانك يا عزيز ..اهوه بضبط كده يا اخوانا
اهوه قانون الجاذبية ده يا اخوانا اللي بيخلي كل الاجرام المساوية على مسافات محفوظة ثابتة رغم أن كلها بتنحرك ..ازاي مابتجريش من بعضها او ازاي مبتخبطش في بعضها أو ازاي بعضخا مابيندمجش في بعضها ..ازاي الارض ماانجذبتش للشمس وقامت اتحرقت جواها وازاي الارض مفلتتش من الشمس وجريت في السماء ..العزيز العزيز العزيز
اسمع قول الله تبارك وتعالي ((فَالِقُ الْإِصْبَاحِ وَجَعَلَ اللَّيْلَ سَكَنًا وَالشَّمْسَ وَالْقَمَرَ حُسْبَانًا ذَلِكَ تَقْدِيرُ الْعَزِيزِ الْعَلِيمِ (96)) الانعام)) نظام الشمس والقمر والليل والنهار..ازاي نحافظ عليه ..ازاي بالدقة الدقيقة ديه ..ازاي بنقدر نعرف ان الشمي هتتطلع بعد عشرين سنة وثلاثين سنة بالساعة الفلانية في الدقيقة الفلانية ..مين اللي محافظ على النظام الدقيق ده ؟
اسمع قول الله تبارك وتعالي ((وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ الْعَزِيزِ الْعَلِيمِ)) (38) ياسين) كل ما يجي يتكلم عن حفظ الكون لازم اسم العزيز يجي ..كأن من يملك أن يسيطر على هذا الامر غير القوي العظيم ..الذي يهيمن على كل هذا الكون ..
اسمع قول الله تبارك وتعالي((إِنَّ اللَّهَ يُمْسِكُ السَّمَاوَاتِ وَالْأَرْضَ أَنْ تَزُولَا وَلَئِنْ زَالَتَا إِنْ أَمْسَكَهُمَا مِنْ أَحَدٍ مِنْ بَعْدِهِ إِنَّهُ كَانَ حَلِيمًا غَفُورًا)) (41: فاطر)
اسمع قول الله تبارك وتعالي ((وَمِنْ آيَاتِهِ أَنْ تَقُومَ السَّمَاءُ وَالْأَرْضُ بأمره)) (25 : الروم)
أنا هاضرب لك مثل ..مثل لطيف ودمة خفيف ..ربنا يعيني واعرف اقوله لك وانت بتسمعه لان انت لازم تتفرج عليه ..لازم تشوفه ولو يسر ليك أنك تتفرج علي فيلم فيديو بيعرض اللقطة اللي أنا بقولك عليها ديه ..هيكون شيء عظيم ..
الأرض بتدور حولين الشمس ..ده شيء بديهي ..سرعة دورانها حولين الشمس مش هتصدق 30 كليومتر في الثانية ..يعني في الثانية الواحدة الارض بتقطع وهي بندور حلوين الشمس 30 كليومتر ..يعني احنا في القاعدة اللي احنا قاعدينها ديه ..يعني احنا بقالنا مثلا 10 دقائق شاغلين اهوه ..احنا قطعنا لغاية دولوقتي مئات الالاف من الكليومترات ..شايف العزيز ..شايف مين اللي ماسك هذا الكلام ..شايف الله .. لا لسه هتشوف اللي اكثر من كده ..
طيب الارض بتدور حولين الشمس ازاي؟ بتدور حولين الشمس في مدار بيضوي ..حركة مش مستوى واحد ..لا ..في شكل بيضوي ..يعني ايه في شكل بيضوي ؟؟ يعني شوية وهي بتدور حولين الشمس بتقرب من الشمس وشوية بتبعد ..حسب المدار البيضوي ده انهي نقطة قريبة فشوية تبقى قربت من الشمس سنة لما الحركة تكون قربت وشوية تقوم باعدة عن الشمس فلما حتة من الارض تقوم مقربة حولين الشمس ..يحصل ايه ؟؟ وفق قانون الجاذبية أول ما المسافة بين الارض والشمس تقل الجاذبية تزيد لانها قربت من الشمس والشمس بتجذب تقوم الشمس جاذبها ..ممكن يحصل ايه ..ممكن يحصل انك تبص تلاقي الارض هوب اتبلعت في الشمس واتحرقنا كلنا وده عمره ما حصل .. هو ايه اللي بيحصل ..الارض علشان متنجذبش نحو الشمس يقوم حاصل حاجة عجيبة اوي لا يملكها إلا العزيز ..ايه الحاجة اللي بتحصل ؟
فجأة تقوم الارض مزودة من سرعتها كأنها عاقلة ..علشان متنجذبش للشمس تعمل ايه تزود سرعتها ..ليه تزود السرعة ؟ علشان تتطلع قوة مكافئة لقوة الجذب فيحصل التعادل ..هي لو كانت فضلت بسرعتها هتتشد فتعمل ايه ؟. تقوم مزودة سرعتها فالطاقة والقوة الناشئة عن زيادة السرعة تقلل الجذب فيتعادل قوة الجذب مع قوة الطرد تخيل ..فتقوم الارض مزودة سرعتها فمتقدرش الشمس تجذبها وتفضل الارض في الحكاية ديه مزودة سرعتها لغاية ما تلف الارض وتجئ على نقطة بعدت عن الشمس شوية فبقت الارض ابعد من الشمس ..ممكن يحصل ايه؟ تقل الجاذبية فممكن يحصل للارض ايه ..تجرى وتوه في الفضاء الواسع ونتهي ونموت ..فتكون النتجية ايه تقوم الارض تبطأ سرعتها عشان قوة جذب الشمس تزيد عليها ..أنتوا متخيلين يا جماعة ..أنت عارف بالضبط أنت ساعات تركب مع واحد سواق لو مؤاخذة يعني مبيعرفش يسوق ..فتقول ايه ده سواق مبيفهمش ده بيزود غلط وبينقص غلط ..انت متخيل الارض ديه ..الناس اللي بتنكر وجود الله ..هنقولي الارض بتدور حولين الشمس ديه سنة وجود الحياة ..اصل ديه الصدفة والطبيعية ..طب ماشي يا سيدي هامشي معاك لكن عايز تقولي أن الارض بتزود سرعتها تبطأ سرعتها حسب هي اقرب للشمس ولا لا علشان تفضل على نفس المسافة اللي بينها وبين الشمس ..والله لا يملك ذلك إلا العزيز ..شفت العزيز في الكون ..
فما بالك العزيز في حياتك الشخصية بقى؟.انت عبد العزيز ولا مش عبد العزيز ؟ أنت حاسس أنك عبد العزيز ..شفت المثل اللي أنا بقوله لك ..لا ده أنا عايز أزوده ليك اكثر علشان تعرف العزيز في كونه عامل ازاي ... الارض وهي هتزود سرعتها علشان متنجذبش للشمس ..لو زودت سرعتها فجأة ممكن يحصلنا ايه ؟ كلنا نتقلب ونخبط في بعضينا ونقع من على الارض والدنيا تتلخبط آخر لخبطة ..تخيل أن الارص هتقوم مزودة سرعتها فجأة ..فيحصلنا ايه ؟ نتقلب كلنا افكون النتيجة انها توةد سرعتها بس بشكل تدريجيي علشان احنا مانحسش بنقلة السرعة فتحافظ على توازنا في الارض ..ايه ده !! مين يملك ده ؟؟ مين يملك ده ؟ ولما تجي ابطئ سرعتها الارض ..يعني يا جماعة الارض سرعتها مش ثابتة ..بتزود وتقلل حسب هي بتقرب من الشمس ولا بتبعد والحكاية ديه من ملايين السنين ..من ملايين السنين
طب تعال اسمع الايات تاني علشان تعرف العزيز سبحانه وتعالي وتحس بالعزيز سبحانه وتعالي
يقول الله تبارك وتعالي ((فَالِقُ الْإِصْبَاحِ وَجَعَلَ اللَّيْلَ سَكَنًا وَالشَّمْسَ وَالْقَمَرَ حُسْبَانًا ذَلِكَ تَقْدِيرُ الْعَزِيزِ الْعَلِيمِ (96)) الانعام
اسمع قول الله تبارك وتعالي ((وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ الْعَزِيزِ الْعَلِيمِ)) (38) ياسين)
اسمع قول الله تبارك وتعالي ((إِنَّ اللَّهَ يُمْسِكُ السَّمَاوَاتِ وَالْأَرْضَ أَنْ تَزُولَا وَلَئِنْ زَالَتَا إِنْ أَمْسَكَهُمَا مِنْ أَحَدٍ مِنْ بَعْدِهِ إِنَّهُ كَانَ حَلِيمًا غَفُورًا)) (41: فاطر)
اسمع قول الله تبارك وتعالي ((وَمِنْ آيَاتِهِ أَنْ تَقُومَ السَّمَاءُ وَالْأَرْضُ)) (25 : الروم)
اسمع قول الله تبارك وتعالي ((اللَّهُ الَّذِي رَفَعَ السَّمَاوَاتِ بِغَيْرِ عَمَدٍ تَرَوْنَهَا)) (2 : الرعد)
شفت العزيز ..العزيز في كونه ..
طب تعال ننزل ..ننزل تروح فين ..تعال ننزل نشوف العزيز مع مخلوقانه ونضرب لك اية جميلة اوي ((وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِ الْمَوْتَى قَالَ أَوَلَمْ تُؤْمِنْ قَالَ بَلَى وَلَكِنْ لِيَطْمَئِنَّ قَلْبِي قَالَ فَخُذْ أَرْبَعَةً مِنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَى كُلِّ جَبَلٍ مِنْهُنَّ جُزْءًا ثُمَّ ادْعُهُنَّ يَأْتِينَكَ سَعْيًا وَاعْلَمْ أَنَّ اللَّهَ عَزِيزٌ حَكِيمٌ))(260: البقرة)
أولا شوفوا حلاوة اسماء الله الحسنى أن الله تبارك وتعالي بشرحلك ويفسرلك في الايات ..يعني ليه الايات دايما بتتختم باسماء الله الحسنى ..معلش حنة نطلع برة العزيز سنة ..ليه الايات بتتختك باسماء الله الحسنى ..ربنا يفصل لك ..يفصل لك ثم يجمل كل التفصيل في اسماؤه الحسنى كأن كل التفصيل ده علشان تعرف الاسم ده لان معرفة اسماء الله هو هدف القران لان هدف القران في الآخر معرفة الله تبارك وتعالي ..هذا الكتاب لتعريفك بالله سبحانه وتعالي ..عرفتوا ليه اسماء الله الحسنة دايما بتتحام بيها الايات ..شوفتوا الاية هنا عملت ايه ؟ ..قصة ((وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِ الْمَوْتَى قَالَ أَوَلَمْ تُؤْمِنْ قَالَ بَلَى وَلَكِنْ لِيَطْمَئِنَّ قَلْبِي قَالَ فَخُذْ أَرْبَعَةً مِنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَى كُلِّ جَبَلٍ مِنْهُنَّ جُزْءًا ثُمَّ ادْعُهُنَّ يَأْتِينَكَ سَعْيًا وَاعْلَمْ أَنَّ اللَّهَ عَزِيزٌ حَكِيمٌ)) الاسمين اللي ذكروا في آخر الاية هما الهدف من كل الاية ..اعرف واعلم أن الله ..عزيز حكيم ..تعلم هذا الاسم واعلم أن الله عزيز حكيم.
طيب تعالوا نشوف ..ايه المقصود بالايه ؟ سيدنا ابراهيم بيقول يا رب ارني كيف تحي الموتي؟ قال أولم تؤمن قال بلي ولكن ليطمئن قلبي ..فبص ربنا قاله ايه ؟ قال فخذ اربعة من الطير ..شوفوا العزيز يا اخواننا!! أنا ضربت لك مثل العزيز في المجرات وفي الشمس وفي الارض ..تعالوا نمسك العزيز في شوية طير ومخلوقات ..تعالوا ننزل للارض شوية ..نتفرج على مخلوقاته ..هذ اربعة من الطير ..هيعمل فيهم ايه ؟ هيدبحهم وبعد ما يدبحهم يجعل رؤوسهم معاه ..يعني ادبخ وخلي الراس معاك في ايديك ..وياخد اجسام الطيور ويقطع الريش يقطع الرجلين ويقطع الاجسام قطعهم قطعهم ..لخبطهم لخبطهم ..اخلط الريش بالدم بالعظم ..اخلط ..اخلط يا ابراهيم فصرهن إليك ثم اجعل على كل جبل منهن جزء ..خد الخلطة اللي نت عملتها ديه وضعها على الجبل ..لا إله إلا الله فاهمين؟! وخلي الرؤوس معاك ..وحط على كل جيل حته ..ريش ده مع دم ده مه امعاء ده مع رجل ده مع عين ده مع حتة من منقار ده ...قطع قطع قطع ..اخلط اخلط اخلط ..ثم ادعوهن ..قولهم تعالوا ..فبامر الله يحصل ايه ..ياتينك سعيا ..ستشاهد عجبا ..أنا عايزكم يا جماعة تتخيلوا ماذا راي ابراهيم عليه السلام من فعل العزيز ..تخيل لا إله إلا الله ..الريشة ديه بتتحرك ويجي عليها نقطة الدم ده وتجئ عليها حتة العظمة ديه وتجرى العين ديه تقوم داخلة ..سبحان العزيز الخالق العظيم ..سبحانه ..ويبدأ يتكون المعدة اهي داخلة الدم هيبدأ يتحرك ..يجري ويطير من غير رؤوس لغاية ما يوصل عند راسه يدخل عند راسه يتحرك ويبقى طير ..
((وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِ الْمَوْتَى قَالَ أَوَلَمْ تُؤْمِنْ قَالَ بَلَى وَلَكِنْ لِيَطْمَئِنَّ قَلْبِي قَالَ فَخُذْ أَرْبَعَةً مِنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَى كُلِّ جَبَلٍ مِنْهُنَّ جُزْءًا ثُمَّ ادْعُهُنَّ يَأْتِينَكَ سَعْيًا وَاعْلَمْ أَنَّ اللَّهَ عَزِيزٌ حَكِيمٌ)) هاه يا اخوانا ايه رايكم ؟؟ عزيز ولا مش عزيز ...هل انت عبد العزيز؟ يعززك ولا مايعززكش ..يعزز الامة النسكينة الضايعة ولا لا تثق في العزيز ولا لا حاسس بالعزيز ولا لا أنت عبد العزيز ولا لا ..أنت فخور أنك عبد العزيز ..أنت فرحان أن هو العزيز وأن انت ملكه ..بدأت تحس يعني ايه العزيز ..
.............................يتبع........................
الرئيسية 
دخول 